Voss Fjellandsby er det perfekte startpunktet for deg som vil oppleva norsk natur på sitt aller beste, og samstundes nyta av livet sine aller beste gode når dagen er på hell. Heile vinteren kan du velja mellom ei mengd aktivitetar i regi av Voss Fjellandsby. Når snøen er vekke i dei fleste andre skiområda, held sesongen fram utover våren her i Myrkdalen!
Når sola til slutt har smelta snøen og dei grøne beitemarkene kjem til syne, syt vassmassane for fantastiske våropplevingar i Myrkdalen. Frå oss er det kort avstand til rafting, padling, klatrepark, paragliding – og fallskjermhopping for dei tøffaste. Me som bur her tykkjer naturen er på sitt vakraste akkurat då. Kvit snø på toppane, fjella dekte til toppturar på ski. Grønt i bakkane, med merkte turløyper som startar rett utanfor døra. Gå åleine, eller la oss hjelpa deg med guide om du vil.
Både sommar og haust ropar eventyret på deg her ved porten til Stølsheimen og fjordlandskap på Unesco si verdsarvliste. Med sykkel eller gode sko, hest eller bil – eit steinkast unna ventar fjord og fjell, brear og stølar berre på at du skal koma og oppleva.
Ski inn/ski ut. Ideelt plassert for gode opplevingar heile året. Kort veg til Sognefjorden og Nærøyfjorden.